image/svg+xml Openclipart Contact
No Result
View All Result

یہ اکثر تلخ کامی سی رہی کیا
جون ایلیا

یہ اکثر تلخ کامی سی رہی کیا

محبت زک اٹھا کر آئی تھی کیا

نہ کثدم ہیں نہ افعی ہیں نہ اژدر

ملیں گے شہر میں انسان ہی کیا

میں اب ہر شخص سے اکتا چکا ہوں

فقط کچھ دوست ہیں اور دوست بھی کیا

یہ ربط بے شکایت اور یہ میں

جو شے سینے میں تھی وہ بجھ گئی کیا

محبت میں ہمیں پاس انا تھا

بدن کی اشتہا صادق نہ تھی کیا

نہیں ہے اب مجھے تم پر بھروسا

تمہیں مجھ سے محبت ہو گئی کیا

جواب‌ بوسہ سچ انگڑائیاں سچ

تو پھر وہ ہے وفائی جھوٹ تھی کیا

شکست اعتماد ذات کے وقت

قیامت آ رہی تھی آ گئی کیا

Pakistanify News Subscription

X

© 2024 Pakistanify Media - Navigating The World of Information