جو تو گیا تھا تو تیرا خیال رہ جاتا
جمال احسانی

جو تو گیا تھا تو تیرا خیال رہ جاتا

ہمارا کوئی تو پرسان حال رہ جاتا

برا تھا یا وہ بھلا لمحۂ محبت تھا

وہیں پہ سلسلۂ ماہ و سال رہ جاتا

بچھڑتے وقت ڈھلکتا نہ گر ان آنکھوں سے

اس ایک اشک کا کیا کیا ملال رہ جاتا

تمام آئینہ خانے کی لاج رہ جاتی

کوئی بھی عکس اگر بے مثال رہ جاتا

گر امتحان جنوں میں نہ کرتے قیس کی نقل

جمالؔ سب سے ضروری سوال رہ جاتا

سیلاب کی شدت کم ہو گئی ہے، اب یہ بحیرہ عرب کی طرف بڑھ رہا ہے۔