image/svg+xml Openclipart Contact
No Result
View All Result

نقاب رخ اٹھایا جا رہا ہے
شکیب جلالی

نقاب رخ اٹھایا جا رہا ہے

گھٹا میں چاند آیا جا رہا ہے

زمانے کی نگاہوں میں سمو کر

مجھے دل سے بھلایا جا رہا ہے

کہاں کا جام جب یاں ذوق مستی

نگاہوں سے پلایا جا رہا ہے

ابھی ارمان کچھ باقی ہیں دل میں

مجھے پھر آزمایا جا رہا ہے

پلا کر پھر شراب حسن و جلوہ

مجھے بے خود بنایا جا رہا ہے

سلامت آپ کا جور مسلسل

مرے دل کو دکھایا جا رہا ہے

شکیبؔ اب وہ تصور میں نہ آئیں

کلیجہ منہ کو آیا جا رہا ہے

Pakistanify News Subscription

X

© 2024 Pakistanify Media - Navigating The World of Information