image/svg+xml Openclipart Contact
No Result
View All Result

گونجتا ہے نالۂ مہتاب آدھی رات کو
شکیب جلالی

گونجتا ہے نالۂ مہتاب آدھی رات کو

ٹوٹ جاتے ہیں سہانے خواب آدھی رات کو

بھاگتے سایوں کی چیخیں ٹوٹتے تاروں کا شور

میں ہوں اور اک محشر بے خواب آدھی رات کو

شام ہی سے بزم انجم نشۂ غفلت میں تھی

چاند نے بھی پی لیا زہراب آدھی رات کو

اک شکستہ خواب کی کڑیاں ملانے آئے ہیں

دیر سے بچھڑے ہوئے احباب آدھی رات کو

دولت احساس غم کی اتنی ارزانی ہوئی

نیند سی شے ہو گئی نایاب آدھی رات کو

Pakistanify News Subscription

X

© 2024 Pakistanify Media - Navigating The World of Information