image/svg+xml Openclipart Contact
No Result
View All Result

اب آپ رہ دل جو کشادہ نہیں رکھتے
شکیب جلالی

اب آپ رہ دل جو کشادہ نہیں رکھتے

ہم بھی سفر جاں کا ارادہ نہیں رکھتے

پینا ہو تو اک جرعۂ زہراب بہت ہے

ہم تشنہ دہن تہمت بادہ نہیں رکھتے

اشکوں سے چراغاں ہے شب زیست سو وہ بھی

کوتاہی مژگاں سے زیادہ نہیں رکھتے

یہ گرد رہ شوق ہی جم جائے بدن پر

رسوا ہیں کہ ہم کوئی لبادہ نہیں رکھتے

ہر گام پہ جگنو سا چمکتا ہے جو دل میں

ہم اس کے سوا مشعل جادہ نہیں رکھتے

سرخی نہیں پھولوں کی تو زخموں کی شفق ہے

دامان طلب ہم کبھی سادہ نہیں رکھتے

Pakistanify News Subscription

X

© 2024 Pakistanify Media - Navigating The World of Information