image/svg+xml Openclipart Contact
No Result
View All Result

روشن ہیں دل کے داغ نہ آنکھوں کے شب چراغ
شکیب جلالی

روشن ہیں دل کے داغ نہ آنکھوں کے شب چراغ

کیوں شام ہی سے بجھ گئے محفل کے سب چراغ

وہ دن نہیں کرن سے کرن میں لگے جو آگ

وہ شب کہاں چراغ سے جلتے تھے جب چراغ

تیرہ ہے خاکداں تو فلک بے نجوم ہے

لائے کہاں سے مانگ کے دست طلب چراغ

روشن ضمیر آج بھی ظلمت نصیب ہیں

تم نے دیے ہیں پوچھ کے نام و نسب چراغ

وہ تیرگی ہے دشت وفا میں کہ الاماں

چمکے جو موج ریگ تو پائے لقب چراغ

دن ہو اگر تو رات سے تعبیر کیوں کریں

سورج کو اہل ہوش دکھاتے ہیں کب چراغ

اے باد تند وضع کے پابند ہم بھی ہیں

پتھر کی اوٹ لے کے جلائیں گے اب چراغ

Pakistanify News Subscription

X

© 2024 Pakistanify Media - Navigating The World of Information