آخر کو عشق کفر سے ایمان ہو گیا
داغؔ دہلوی

آخر کو عشق کفر سے ایمان ہو گیا

میں بت پرستیوں سے مسلمان ہو گیا

مے تو حلال ہے جو پئے ڈھب سے بادہ نوش

میں توبہ کر کے اور پشیمان ہو گیا

رندان بے ریا کی ہے صحبت کسے نصیب

زاہد بھی ہم میں بیٹھ کے انسان ہو گیا

اس غنچے میں سمائی ہے وحشت برنگ بو

دل کتنی تنگیوں پہ بیابان ہو گیا

لو اے بتو سنو کہ وہ داغؔ صنم پرست

مسجد میں جا کے آج مسلمان ہو گیا

سیلاب کی شدت کم ہو گئی ہے، اب یہ بحیرہ عرب کی طرف بڑھ رہا ہے۔