ہیں بہت سے عاشق دلگیر جمع
داغؔ دہلوی

ہیں بہت سے عاشق دلگیر جمع

تیرے ترکش میں ہیں کتنے تیر جمع

اچھی صورت سے ہمیں بھی عشق ہے

کرتے ہیں تصویر پر تصویر جمع

کوچۂ قاتل میں آفت آ گئی

جب ہوئے دو چار بھی رہ گیر جمع

یا لگا دو آگ یا لکھ دو جواب

ہو گیا ہے دفتر تحریر جمع

تھوڑی تھوڑی ہی ملے اس در کی خاک

چٹکی چٹکی ہم کریں اکسیر جمع

خون دل کا چشم تر ٹھیکا نہ لے

اس سے ہونے کی نہیں توفیر جمع

کس طرح یکجا ہوں داغؔ اپنے عزیز

ہونے دیتی ہی نہیں تقدیر جمع

کراچی یونیورسٹی کیمپس بس نے دوسری سال کی طالبہ کو ٹکر مار دی، جس کے نتیجے میں اس کی موت ہو گئی۔