image/svg+xml Openclipart Contact
No Result
View All Result

مکاں میں قید صدا کی دہشت
منیر نیازی

مکاں میں قید صدا کی دہشت

مکاں سے باہر خلا کی دہشت

ہوا ہے خوف خدا سے خالی

ہے اس نگر میں بلا کی دہشت

گھرا ہوا ہوں میں ہر طرف سے

ہے آئنے میں ہوا کی دہشت

زمیں پہ ہر سمت حد آخر

فلک پہ لا انتہا کی دہشت

شجر کے سائے میں موت دیکھو

ثمر میں اس کے فنا کی دہشت

Pakistanify News Subscription

X

© 2024 Pakistanify Media - Navigating The World of Information