کنج کنج نغمہ زن بسنت آ گئی
ناصر کاظمی

کنج کنج نغمہ زن بسنت آ گئی

اب سجے گی انجمن بسنت آ گئی

اڑ رہے ہیں شہر میں پتنگ رنگ رنگ

جگمگا اٹھا گگن بسنت آ گئی

موہنے لبھانے والے پیارے پیارے لوگ

دیکھنا چمن چمن بسنت آ گئی

سبز کھیتیوں پہ پھر نکھار آ گیا

لے کے زرد پیرہن بسنت آ گئی

پچھلے سال کے ملال دل سے مٹ گئے

لے کے پھر نئی چبھن بسنت آ گئی

سیلاب کی شدت کم ہو گئی ہے، اب یہ بحیرہ عرب کی طرف بڑھ رہا ہے۔