خلاصہ
ستمبر 2008 سے برلن کا بڈی بیئر اُن فنکاروں اور کھیلوں کے ستاروں کو پیش کیا جاتا ہے جو اوبر ایرینا میں ہاؤس فل اور خصوصی تقریبات میں شرکت کرتے ہیں۔
پاکستانی گلوکار عاطف اسلم کو جرمنی کے شہر برلن کی اوبر ایرینا میں ہاؤس فل کنسرٹ کرنے کے اعزاز میں خصوصی برلن بڈی بیئر پیش کیا گیا۔
ستمبر 2026 میں ہونے والے ان کے کنسرٹ کے بعد انہیں یہ خصوصی اعزاز دیا گیا، جو اب ارینا کی ایک دیوار پر گلوکار کی تصویر کے ساتھ نمایاں ہے۔ اس دیوار پر کیٹی پیری، ریحانہ اور ٹومارو ایکس ٹوگیدر جیسے مشہور عالمی فنکاروں کی تصاویر بھی موجود ہیں۔
عاطف اسلم نے سوشل میڈیا پر ایک ویڈیو شیئر کی، جس میں دیوار اور انہیں ملنے والے اعزاز کو دکھایا گیا ہے۔ کئی معروف شخصیات نے بھی گلوکار عاطف اسلم کو یہ اہم اعزاز حاصل کرنے پر مبارکباد دی۔
ستمبر 2008 سے برلن بڈی بیئر کو Uber Arena میں ان فنکاروں اور کھیلوں کے ستاروں کو پیش کیا جاتا ہے جو اس مقام پر ہونے والی ہاؤس فل یا خصوصی تقریبات میں شرکت کرتے ہیں۔ یہ بیئر برلن کی ثقافتی شناخت سے گہرا تعلق رکھتا ہے۔
عاطف اسلم اس وقت بین الاقوامی میوزک ٹور پر ہیں، جس کے دوران نومبر اور دسمبر میں فرانس اور متحدہ عرب امارات میں ان کے کنسرٹس منعقد ہوں گے۔
گلوکار نے اس سال موسیقی کی دنیا میں واپسی کی اور 15 جون کو لندن کے O2 ایرینا میں لائیو پرفارمنس کے دوران اپنے نئے میوزک پروجیکٹ کی تفصیلات بتائیں۔
ان کا چوتھا اسٹوڈیو البم صبح آئے نہ 31 جولائی 2026 کو ریلیز ہوا۔ یہ 2008 میں ریلیز ہونے والے میری کہانی کے بعد ان کا پہلا مکمل اسٹوڈیو البم ہے۔
عاطف اسلم گزشتہ سال پاکستان کے سب سے زیادہ سنے جانے والے فنکاروں میں شامل رہے، ان کے گانوں کو مختلف میوزک پلیٹ فارمز پر تقریباً 8 ارب بار سنا گیا۔
